ABŞ-da uçan avtomobil nümayiş olunub

sayt admini
Admin
Joined: 2021-02-07 12:43:13
2021-02-16 20:07:27

ABŞ-ın "Lift Aircraft" şirkəti "HEXA" adlı uçan avtomobil təqdim edib. Bu barədə "Dayton 24/7 Now" nəşrinin məlumatında deyilir.

Milli.Az ictnews.az-a istinadən bildirir ki, şirkətin baş direktoru və təsisçisi Metyu Çeyzenin sözlərinə görə, fevralın 9-da "HEXA" seriyalı ilk təyyarə sınaqlar və uçuş yararlığının sertifikatlaşdırılması üçün ABŞ-ın Hərbi Hava Qüvvələrinə təqdim edilib.

Uçan avtomobilin idarə olunması üçün pilot lisenziyası tələb olunmur. Uçuşa hazırlıq üçün təxminən 1 saat lazımdır.

Məlumata görə, nəqliyyat vasitəsi 15 dəqiqə havada qala və 16-24 kilometr məsafəni qət edə bilir.

M.Çeyzen bildirib ki, "HEXA" fövqəladə hallar zamanı polis, yanğınsöndürmə xidməti və ya təcili tibbi yardım tərəfindən istifadə ediləcək.

"HEXA" təyyarələr parkından əvvəlcə əyləncə kimi istifadə nəzərdə tutulur.
MobTop.az Statok.net ILK-10